الفووووووووووووووووووووول

الناس كانوا زمان بيقولوا ان الشعب المصري سوري يعني في الكلمة متنح طول النهار بسبب الفول

ولو تفتكروا سمير غانم في مسرحية المتزوجون كان بيتكلم علي الفول ازاي

وساد اعتقاد ان الفول بيكبس علي نفس الواحد من دول ويعلي نسبة الغباء
عشان كدة الناس بتمشي الصبح متنحة


اسكتوا مش طلع كل دة كلام مش صح

وتتخيلوا الفول اللي هو الفول بتاعنا المدمس دة بيعمل اية عاوزين تعرفوا











































































الفول اللي مش عاجبكم دة اثبتت الابحاث العلمية الحديثة انة بيزود افراز هرمون السعادة في الجسم تخيلوا الفول بيعمل كدة


حتسالوا طبعا امال لية الواحد بيتنح بعد ما بياكل طبق فول بالشطة واللمون كدة ويا سلام علي شوية طحينة

اقولكم ليه هرمون السعادة لما بيتم افرازة بيخلي الواحد مننا سعيد مبسوط زي اللي عاملين دماغ

طب ودة اية علاقتة بالتتنيح ...........حقول اهوة متستعجلوش اية مفيش صبر
جربوا كدة تروحوا لواحد سعيد وقولة بيتكم وقع حيقولك عادي بكرة نبنية تاني
عارفين لية لان هرمون السعادة بيخلي الانسان عندة حالة لا مبالاة ودة اللي بنسمية احنا تتنيح



الكلام اللي انا بقولة دة مش من دماغي ولا بخترع دة كلام اثبتتة التجارب والابحاث العلمية

يعني الواحد بعد كدة حيقول انا عامل دماغ فول وبكرة الفول يتحط علي قايمة الممنوعات لانة بيعلي الدماغ وحيبقي زي المخدرات كدة بالظبط مهي برضو المخدرات بتساعد علي افراز هرمون السعادة دة شفتوا واحد شارب مخدرات قبل كدة وشايل هم لحاجة


بكرة الفول يغلي يلا كل واحد بقي تشيل مخزونا من الفول وتاكل جوزها الصبح طبقين تلاتة فول كدة ولا حاجة